Mae blaenasgellwr y Dreigiau – a chwaraeodd yn ei gêm lawn gyntaf dros ei wlad yn erbyn Seland Newydd penwythnos diwethaf – yn credu gall ei dîm ymateb i her gorfforol y Springboks gan ddod ag elfen o ffyrnigrwydd i’w gêm.
Wrth fwrw golwg yn nôl ar ei ymddangosiad llawn cyntaf mewn crys Cymru a’r her aruthrol sy’n eu hwynebu yn erbyn y Springboks, dywedodd Basham: “Dwi’n meddwl y gallwn wella ochr gorfforol ein gêm. Mae hynny’n wir am ein disgyblaeth hefyd rwy’n teimlo oherwydd cawsom ein cosbi’n ddi-angen droeon yn y gêm.
“Rwy’n meddwl bod ein disgyblaeth wedi dioddef yn yr 20 munud olaf, ac efallai nad oedd y sgôr terfynol yn adlewyrchiad teg o’r perfformiad.”
Er mai hon oedd gêm Brawf lawn gyntaf i Basham yn dilyn tri ymddangosiad oddi ar y fainc, roedd yn edrych yn gartrefol iawn yn y rheng ôl ochr yn ochr â Ross Moriarty ac Aaron Wainwright. Cafodd y bachgen 21 oed ganmoliaeth arbennig gan brif hyfforddwr Cymru, Wayne Pivac.
