Bydd Davies yn ennill ei 70ain cap yn y Stadio Olimpico, ac ef fydd capten rhif 137 Cymru.
Bydd Owen Watkin yn cadw cwmni iddo yng nghanol y cae, ac mae Dan Biggar wedi’i enwi’n faswr ac Aled Davies wedi’i enwi’n fewnwr.
Mae Liam Williams a Josh Adams, a ddechreuodd y gêm ym Mharis yr wythnos diwethaf, yn cael cwmni Jonah Holmes yn y tri ôl. Hwn fydd y tro cyntaf i Holmes chwarae ym Mhencampwriaeth y Chwe Gwlad.
Ymysg y blaenwyr mae Nicky Smith, Elliot Dee a Samson Lee yn ffurfio rheng flaen ar ei newydd wedd, ac mae Jake Ball yn dod i’r ail reng ochr yn ochr ag Adam Beard.
Yn y rheng ôl mae Josh Navidi yn symud i rif 8, mae Aaron Wainwright yn dechrau fel blaenasgellwr ar yr ochr dywyll ac mae Thomas Young yn gwneud ei ymddangosiad cyntaf ym Mhencampwriaeth y Chwe Gwlad ar yr ochr agored.
“Rydym wedi gwneud nifer o newidiadau ar gyfer y penwythnos hwn, ond rydym wedi dewis tîm sy’n gyffrous iawn yn ein barn ni ac sydd â llawer iawn o brofiad o hyd drwyddi draw,” meddai prif hyfforddwr Cymru, Warren Gatland.
“Rydym wedi gwneud nifer debyg o newidiadau i’r hyn a wnaethom y llynedd. Rhoi cyfle i’r chwaraewyr hyn sy’n bwysig.”
TÎM CYMRU I HERIO’R EIDAL (Dydd Sadwrn 9 Chwefror, y gic gyntaf am 16.45 GMT – yn fyw ar ITV ac S4C)
15. Liam Williams (52 Gap)
14. Jonah Holmes (1 Cap)
13. Jonathan Davies (69 Cap – Capten)
12. Owen Watkin (9 Cap)
11. Josh Adams (7 Cap)
10. Dan Biggar (66 Chap)
9. Aled Davies (12 Cap):
1. Nicky Smith (24 Cap)
2. Elliot Dee (14 Cap)
3. Samson Lee (39 Cap)
4. Jake Ball (29 Cap)
5. Adam Beard (9 Cap)
6. Aaron Wainwright (4 Cap)
7. Thomas Young (2 Gap)
8. Josh Navidi (12 Cap)
Eilyddion:
16. Ryan Elias (6 Chap)
17. Wyn Jones (11 Cap)
18. Dillon Lewis (8 Cap)
19 Alun Wyn Jones (121 Cap)
20. Ross Moriarty (27 Cap)
21. Gareth Davies (37 Cap)
22. Gareth Anscombe (22 Gap)
23. Hallam Amos (18 Cap)
