Gallwch brynu tocynnau ar gyfer yr ornest gyffrous hon fydd yn cael ei chynnal yn Stadiwm Principality yma: WRU.WALES/TICKETS .
Bydd y garfan yn dod at ei gilydd yng Nghanolfan Ragoriaeth Undeb Rygbi Cymru yn Hensol ddydd Llun y 30ain o Hydref.
Er nad oes capiau’n cael eu cynnig ar gyfer y gêm hon, mae 16 aelod o garfan Cymru yng Nghwpan y Byd wedi eu cynnwys gyda 7 chwaraewr na deithiodd i Ffrainc wedi eu hychwanegu. Jac Morgan sydd wedi ei enwi’n gapten.
Dywedodd Warren Gatland: “Mae gennym gymysgedd dda o’r bechgyn gymrodd ran yng Nghwpan y Byd a chwaraewyr eraill sydd wedi bod yn rhan o’r garfan yn ddiweddar hefyd.
“Ry’n ni wedi dewis carfan gymharol fechan ar gyfer yr ornest hon – gan nad oeddem eisiau amharu’n ormodol ar drefniadau’r Rhanbarthau.
“Nid oes unrhyw unigolion sy’n chwarae eu rygbi yn Siapan, Lloegr na Ffrainc wedi eu cynnwys ar gyfer y gêm hon – gan nad yw eu gwasanaeth ar gael i ni.
“Mae’n paratoadau ar gyfer Cwpan y Byd 2027 yn dechrau nawr.
“Wrth edrych ar y talent a’r potensial sydd gennym wrth law – mae’r pedair blynedd nesaf yn argoeli i fod yn gyfnod cyffrous iawn.
“Rwy’n edrych ymlaen yn fawr at gyd-weithio gyda’r garfan a gweld y chwaraewyr yn datblygu a thyfu.”
Carfan Cymru i baratoi i herio’r Barbariaid yn Stadiwm Principality ddydd Sadwrn y 4ydd o Dachwedd. (2.30pm yn fyw ar S4C)
BLAENWYR (13)
Corey Domachowski (Caerdydd – 6 chap)
Nicky Smith (Gweilch – 46 chap)
Elliot Dee (Dreigiau – 46 chap)
Dewi Lake (Gweilch – 12 cap)
Keiron Assiratti (Caerdydd – 2 gap)
Leon Brown (Dreigiau – 12 cap)
Adam Beard (Gweilch – 51 cap)
Ben Carter (Dreigiau – 10 cap)
Teddy Williams (Caerdydd – 1 cap)
Dan Lydiate (Dreigiau – 72 cap)
Jac Morgan (Gweilch – 15 cap) *capten
Taine Plumtree (Scarlets – 2 gap)
Aaron Wainwright (Dreigiau – 43 chap)
OLWYR (10)
Kieran Hardy (Scarlets – 18 cap)
Tomos Williams (Caerdydd – 53 chap)
Sam Costelow (Scarlets – 8 cap)
Cai Evans (Dreigiau – 1 cap)
Mason Grady (Caerdydd – 6 chap)
George North (Gweilch – 118 cap)
Johnny Williams (Scarlets – 7 cap)
Rio Dyer (Dreigiau – 14 cap)
Leigh Halfpenny (Heb glwb – 101 cap)
Tom Rogers (Scarlets – 3 chap)
