Fe fydd y ‘newidwyr’ yn gweithio ym mhob adran o’r gêm yng Ngogledd Cymru, De Ddwyrain a de Orllewin Cymru ac yn cyd-weithio gyda chlybiau, ysgolion a swyddogion hwb er mwyn cynyddu’r nifer o fenywod sy’n cymryd rhan yn y gamp – ac i wella’r hyn sydd yn cael ei gynnig i ferched Cymru.
Enillydd gwobr Prosiect USGirls, Lauren Thomas fydd yn ymgymryd â’r dyletswyddau yn y Gorllewin, cyn swyddog datblygu gyda Chlwb Gymnasteg De Ddwyrain Cymru Katy Evans fydd yn arwain yn Nwyrain Cymru a cyn swyddog hwb Ysgol y Drenewydd Dave Roberts fydd yn gyfrifol am weddnewid y sefyllfa i fenywod yn Rhanbarth Datblygu Gogledd Cymru
Meddai Rheolwr Menywod a Merched Ifanc URC Caroline Spanton: “Y tri unigolyn o galibr uchel yma fydd yn wynebu’r her o gynyddu cyfranogiad menywod yng Nghymru. Yr ydym yn gwybod bode na alw mawr am rygbi ymhlith menywod a merched ifanc yn dilyn llwyddiant ein canolfannau clwstwr pryd y gwelwyd lefelau cyfranogiad yn dyblu. Ond mae yna le i wella er mwyn ceisio sicrhau bod rygbi yn tyfu i fod yn un o’r gemau mwyaf poblogaidd o ran cyfranogiad merched yng Nghymru.
“Mae’r cynfas ar gyfer y ‘newidwyr’ yn wag. Fe fydd na ddewisiadau anodd ei gwneud ond gyda’r tîm yma wrth y llyw dwi’n gwybod y bydd modd cyrraedd y nod.”
Dywed Pennaeth Cyfranogiad URC Ryan Jones: “Mae sicrhau bod yr Undeb yn fwy deniadol i ferched ac i ddymchwel y rhwystrau sydd yn eu hatal rhag gwneud hynny yn un o’n blaenoriaethau strategol. Fe fydd yn rhaid i bawb gydweithio gyda’r newidwyr er mwyn cynnig mwy o gyfleoedd i ferched ac i greu rygbi sydd yn denu merched o bob oedran.”
