Mae Undeb Rygbi Cymru (URC) yn hynod o falch bod y Gweilch wedi llofnodi Cytundeb Rygbi Proffesiynol 2025 (PRA25).
Mae’r cytundeb gyda pherchnogion Gweilch, Y11 Sport & Media, yn golygu bod y clwb rhanbarthol bellach yn ymuno â Chlwb Rygbi’r Dreigiau a Rygbi Caerdydd ar PRA25.
Mae PRA25 yn cynyddu cydweithrediad ar draws yr ecosystem rygbi gyfan ac yn sail i’r berthynas waith rhwng URC a’r timau dynion rhanbarthol.
Y nod yw rhoi sefydlogrwydd ariannol a chreu’r sylfeini ar gyfer llwyddiant ym mhob rhan o’r gêm broffesiynol yng Nghymru.
Wrth ymateb i lofnodi’r cytundeb, dywedodd Abi Tierney, Prif Weithredwr Undeb Rygbi Cymru:
“Mae PRA25 yn creu mwy o aliniad ar draws rygbi yng Nghymru, ac rwy’n falch iawn bod trafodaethau adeiladol gyda Y11 Sport & Media wedi arwain at y Gweilch yn llofnodi’r cytundeb.”
“Mae tri allan o bedwar o’n clybiau dynion rhanbarthol bellach ar PRA25 ac mae gwaith diwydrwydd dyladwy gyda’r Scarlets yn parhau. Rydym yn edrych ymlaen at gael ein holl dimau proffesiynol dynion ar y cytundeb cyn dechrau’r Bencampwriaeth Rygbi Unedig nesaf ym mis Medi.”
Mae’r penderfyniad hefyd wedi cael ei groesawu’n gynnes gan Marianne Økland, Cadeirydd y Bwrdd Rygbi Proffesiynol:
“Rwyf wedi cael fy nghalonogi’n fawr gan y ffordd gydweithredol y cynhaliwyd y trafodaethau rhwng URC a’r clybiau proffesiynol dros y misoedd diwethaf. Mae’r cynnydd ystyrlon a wnaed ar fodel y dyfodol ar gyfer y llwybrau datblygu hefyd yn dystiolaeth o’r ysbryd cadarnhaol hwn.”
Diwedd.