Ysgolion Pontypridd enillodd Gwpan DC Thomas (Cystadleuaeth D11) yn dilyn eu buddugoliaeth o 45-10 dros Ysgolion Abertawe yn Rodney Parade.
Agorodd Pontypridd y sgorio drwy Rhys Harries cyn i’r asgellwr Noah Dollman ddyblu’r fantais.
Wedi ceisiau pellach gan Phoenix Bestwick a Dafydd Evans, roedd bechgyn ‘Ponty’ ar y blaen 25-0 ar yr egwyl.
Croesodd Louie Head dros Abertawe wedi troi, ond ymatebodd Cooper Pring yn gyflym ac yn effeithiol dros Ysgolion Pontypridd.
Dyblodd Evan Cokeley gyfanswm ceisiau Ysgolion Abertawe – ond seliwyd buddugoliaeth Pontypridd pan wibiodd Toby Shanahan yn glir am gais yn yr eiliadau olaf.
Cwm Rhymni enillodd Blât DC Thomas D11 yn dilyn eu buddugoliaeth o 50-10 dros fechgyn y Mynydd Mawr.
Gruffudd Tudur agorodd y sgorio i fois y gorllewin cyn i Gwm Rhymni daro’n ôl yn gadarn. Yn dilyn ceisiau Tom Thompson, Jazson Mann a Harri Edwards roedd bechgyn y dwyrain ar y blaen o 20-5 ar yr egwyl.
Agorwyd y bwlch rhwng y timau ymhellach wedi i Sonny Humphries ddangos ei gryfder ac wedi i Tom Thompson redeg yn glir at linell gais Mynydd Mawr.
Er i’r disglair Zac Anyadike wibio am gais cofiadwy dros fechgyn y Mynydd Mawr, fe hawliodd Cwm Rhymni geisiau pellach gan Rohun Price, Finley Hurn a Harri Edwards i gadarnhau buddugoliaeth glir.
Gêm gyfartal 15-15 yr un gafwyd yn Rownd Derfynol Powlen DC Thomas D11 rhwng Cwm Cynon a Chastell-nedd.
Roedd Cwm Cynon ar y blaen 10-0 ar yr egwyl, ond sgoriodd Lucas James ddwywaith i Gastell-nedd i wneud pethau’n gyfartal, cyn i Carter Russell roi Cwm Cynon yn ôl ar y blaen.
Wedi cais corfforol George Thomas, roedd hi’n 15-15 ar y sgorfwrdd ac felly roedd hi ar y chwiban olaf – olygodd bod y ddau dîm yn rhannu’r wobr am eleni.