Neidio i'r prif gynnwys
Capten Jac yn cadw’r ffydd

Dupont a Morgan. Hawlfraint ©INPHO/Billy Stickland

Capten Jac yn cadw’r ffydd

Mae Capten Cymru, Jac Morgan yn credu bod ei chwaraewyr wedi paratoi’n ardderchog ar gyfer yr ornest agoriadol ym Mhencampwriaeth Chwe Gwlad Guinness ym Mharis heno.

Rhannu:

Mae’r ffaith bod Josh Adams a Liam Williams yn dod â llond trol o brofiad yn ôl i’r tîm a bod capten y llynedd Dafydd Jenkins ar gael unwaith eto wedi rhoi hwb i’r garfan.

Mae’r ffaith bod Taulupe Faletau’n obeithiol o fod ar gael ar gyfer y daith i’r Eidal yr wythnos nesaf hefyd yn cynnig hyder pellach.

Er mai Ffrainc yw un o ffefrynnau’r bwcis i ennill y Bencampwriaeth, mae’r Cymry’n gobeithio am ddechrau cadarnhaol i’w hymgyrch – gan gofio bod y crysau cochion wedi ennill ar dir Ffrainc yn amlach nac unrhyw un o’r gwledydd eraill yn y Chwe Gwlad.

Mae Cymru wedi ennill pum o’u deuddeg gêm yn y Bencampwriaeth yn Ffrainc – gan gynnwys hawlio tair buddugoliaeth ar eu chwe ymweliad diwethaf â Pharis.

Ai dyma felly fydd y cyfle i Jac Morgan a’i dîm i ennill eu gêm ryngwladol gyntaf mewn tri chynnig ar ddeg ers Cwpan y Byd 2023?

Dywedodd Jac Morgan, Capten Cymru:”Ry’n ni wedi dysgu llawer iawn yn ystod y flwyddyn ddiwethaf ac mae gennym lawer o brofiad yn dod nôl mewn i’n tîm hefyd – ac felly ‘ry’n ni gyd yn edrych ymlaen at yr her.

“Fe fydden ni wrth ein bodd profi pawb yn anghywir gan bod llawer o bobl wedi ein disytyru ni’n barod.”

“Ry’n ni’n bwydo oddi ar hynny ym mhob sesiwn ymarfer ac eisiau gwneud ein gorau.

“Ry’n ni wedi ymarfer yn arbennig o dda ac mae Gats a’r hyfforddwr eraill wedi’n paratoi ni’n dda.

“Mae pawb wedi gweithio mor galed ers i ni ddod at ein gilydd fel carfan ac ‘ry’n ni’n ymwybodol iawn o ddoniau Ffrainc. Wrth gwrs ei bod hi’n mynd i fod yn gêm galed a chorfforol – felly mae’n rhaid i ni sefyll yn gadarn gyda’n gilydd. Wrth wneud hynny – gall unrhywbeth ddigwydd ar y noson.

“Ry’n ni eisiau gwella drwy’r amser. Dyna yw’r prif beth i ni fel carfan. Er mwyn gwneud hynny, mae’n rhaid i ni wthio’n hunain a’n gilydd ac mae pawb yn gwneud hynny’n bendant.

“Mae’n wych cael Josh yn ôl. Mae’n chwaraewr gwych wrth gwrs – ond mae ganddo hefyd y profiad o ennill mas yma ym Mharis – ac mae’r bois ifanc yn bwydo oddi-ar hynny.

“Yn dilyn canlyniadau diweddar eu tîm rhyngwladol a pherfformiadau eu clybiau’n Ewrop – bydd y dorf yn disgwyl llawer iawn gan eu chwaraewyr – yn enwedig gan bod Antoine Dupont nôl yn y tîm wedi blwyddyn o seibiant.”

Ychwanegodd Warren Gatland, Prif Hyfforddwr Cymru: “Mae Antoine yn un o’r chwaraewyr rygbi gorau erioed siwr o fod ac fe fydd yn awchu i ennill Camp Lawn arall fel y gwnaeth yn 2022.

“Mae ei ddylanwad ar gemau’n amlwg iawn – os yw’n chwarae ar y maes rhyngwladol, dros Toulouse – neu’n ennill medal aur Olympaidd 7 bob ochr dros Ffrainc.

“Mae gennym barch aruthrol tuag ato fel chwaraewr a chapten. Efallai nad ef yw’r mwyaf o ran maint ei gorff – ond mae’n gryf, yn gyflym ac mae’n darllen y gêm yn wych.”

Partneriaid a Chyflenwyr

Prif Partneriaid
Principality
Admiral
Capten Jac yn cadw’r ffydd
Vodafone
Go.Compare
Partneriaid swyddogol darlledu
S4C
BBC Cymru/Wales
Partneriaid Swyddogol
Isuzu
Gullivers
Capten Jac yn cadw’r ffydd
Capten Jac yn cadw’r ffydd
Cyflenwyr swyddogol
Gilbert
Capten Jac yn cadw’r ffydd
Rhino Rugby
Sportseen
Capten Jac yn cadw’r ffydd
Capten Jac yn cadw’r ffydd
Capten Jac yn cadw’r ffydd
Capten Jac yn cadw’r ffydd
Capten Jac yn cadw’r ffydd
Amber Energy
Opro
Capten Jac yn cadw’r ffydd