Wedi iddynt guro’r Alban a cholli yn erbyn Iwerddon, Lloegr a Ffrainc mewn gemau byr yn ystod yr wythnos – hon oedd yr ornest gyflawn gyntaf o’r ŵyl i garfan Siwan Lillicrap.
Ar brynhawn Gwyntog ym Mae Colwyn roedd Cymru yn gobeithio gorffen gŵyl y Chwe gwlad ar nodyn positif. Yr Eidal ddechreuodd y gêm orau gyda Cheli Chiara yn sgorio’r cais cyntaf o’r gêm. Ychwanegodd Alia Bitonci bwyntiau ychwanegol gyda’r trosiad i roi Eidal saith pwynt ar y blaen.
Mi wnaeth tîm Lilicrap ymateb yn syth gyda’r capten, Branwen Metcalfe yn tirio. Wedi trosiad llwyddiannus Hanna Marshall roedd y sgôr yn gyfartal.
Parhaodd Cymru ar y droed flaen ac ar ôl pasio gwych ganddynt – llwyddon nhw i gael y bêl allan i’r asgell i Saran Jones sgorio ei chais cyntaf o’r gêm. Sgoriodd Branwen Metcalfe ei ail chais o’r gêm ar ôl sgarmes symudol bwerus gan y Cymry.
Cyfle’r Eidal oedd hi i sgorio nesaf gyda Vittoria Francolini yn croesi’r gwyngalch gan gau’r bwlch i bum pwynt rhwng y ddau dîm cyn hanner amser.
Dechreuodd y tîm cartref yr ail hanner yn dda. Cafodd Elisa Cecati ei chosbi am dacl uchel ac ar ôl cyfnod o bwyso cafodd Evie Hill gais cyntaf Cymru o’r ail hanner.
Aeth Cymru ymhellach ar y blaen ddwy funud yn ddiweddarach gyda Hannah Lane yn defnyddio ei chyflymder i sgorio cais unigol arbennig. Roedd y canolwr ymysg y ceisiau unwaith eto ddeg munud yn ddiweddarach.
Parhaodd tîm Diego Saccã i ymosod a chawson nhw ei gwobrwyo gyda Cheli Chiara yn sgorio ei ail chais o’r gêm.
Gyda 9 munud ar ôl ar y cloc – dangosodd Saran Jones ei chyflymder wrth iddi rhyng-gipio’r bêl a tirio yn y gornel.
Sgoriodd Alice Antonazzo gais olaf y gêm i’r Eidal gyda pum munud ar ôl o’r gêm.
Perfformiad gwych gan garfan Siwan Lilicrap a ffordd arbennig o orffen gŵyl y Chwe Gwlad.
