Bydd y gêm ddarbi rhwng y ddau dîm Cymreig yn dilyn gornest y Clovers yn erbyn Caeredin – fydd hefyd yn digwydd yng nghartref rhanbarth y Scarlets am 12.30pm.
Croesodd y bachwr bywiog Molly Reardon am ddau gais yn erbyn Glasgow – tra i’r maswr Robyn Wilkins, y prop Abbey Constable, yr asgellwr Katie Davies, y cefnwr Rhodd Parry a’r Capten Bryonie King hawlio cais yr un hefyd.
‘Roedd Gwalia wedi ennill dwy o’u pum gêm gyntaf yn yr Her Geltaidd cyn eu llwyddiant diweddaraf dros y penwythnos ac ‘roedd hynny’n cynnwys buddugoliaeth gartref yn erbyn Glasgow hefyd – o 36-19 ar Barc yr Arfau ym mis Ionawr.
Bydd y fuddugoliaeth ddiweddaraf hon – oedd yn cynnwys saith o geisiau yn rhoi hyder i fenywod Gwalia cyn iddynt wynebu her Brython unwaith eto ddydd Sul.
