Peyper ddyfarnodd gornest Cymru yn erbyn Ffrainc yn y Chwarteri yn Siapan bedair blynedd yn ôl ac fe ddanfonodd glo’r Ffrancod Sébastien Vahaamahina o’r maes am ddefnydd anghyfreithlon o’i benelin.
Jaco Peyper fu’n gyfrifol am ofalu am gêm agoriadol y Bencampwriaeth yn Ffrainc eleni pan lwyddodd y tîm cartref i drechu Seland Newydd yn y Stade de France.
Karl Dickson (Lloegr), Andrea Piardi (Yr Eidal) fydd y dyfarnwyr cynorthwyol ddydd Sadwrn tra Marius Jonker (De Affrica) fydd y dyfarnwr teledu.
Bydd y Cymro Ben Whitehouse yn ddyfanwr teledu ar gyfer y drydedd gêm yn yn Chwarteri ddydd Sul pan fydd Lloegr yn herio Ffiji.
