Yn dilyn degawd a mwy o chwarae rygbi ar y lefel uchaf, mae wedi penderfynu canolbwyntio ar yrfa hyfforddi newydd gyda blaenwyr y Newcastle Falcons.
Enillodd y bachwr 34 oed, 37 o gapiau dros Gymru ac fe gynrychiolodd y Gweilch 183 o weithiau. Fe chwaraeodd dros Gaerwrangon a’r Harlequins hefyd.
“Mae hi wedi bod yn fraint cynrychioli’r Gweilch a Chymru ac ‘rwy’n arbennig o ddiolchgar am yr atgofion, y profiadau a’r ffrindiau yr wyf wedi eu gwneud dros y blynyddoedd.
“Roedd cael y cyfle i chwarae dros fy ngwlad yn freuddwyd ond mae fy antur fawr fel chwaraewr wedi dod i ben. Mae’n amser i mi ymddeol ac i symud ymlaen at bennod nesaf fy mywyd. ‘Rwyf wedi chwarae rygbi am amser maith a symud ymlaen yw’r peth iawn i mi ei wneud.
“Roedd gwneud y penderfyniad yn anodd ond mae’r amseru’n dda i mi. Er fy mod mor angerddol am chwarae rygbi – mae’n amser i mi gymryd cam yn ôl a chanolbwyntio ar fy nghyrfa newydd fel hyfforddwr.
“Hoffwn ddiolch i bawb sydd wedi fy nghefnogi trwy gydol fy ngyrfa – fy nghyd-chwaraewyr, hyfforddwyr ac fy nheulu yn fwy na neb. ‘Roedd yn fraint cael chwarae dros Benybont, y Gweilch yr Harlequins a Chaerloyw ac i gynrychioli fy ngwlad wrth gwrs. Diolch am bopeth.
