Mae Prif Hyfforddwr Tîm Menywod Cymru, Ioan Cunningham wedi dewis ei dîm i wynebu’r Alban yn Ail Rownd Pencampwriaeth Chwe Gwlad TikTok, yn Stadiwm DAM Health Caeredin, ddydd Sadwrn y 1af o Ebrill (5.30pm).
Hannah Jones fydd yn arwain y tîm unwaith eto tra bydd y mewnwr Keira Bevan yn ennill ei 50fed cap.
Sicrhaodd Cunningham a’i dîm fuddugoliaeth swmpus o 31-5 yn erbyn Iwerddon – a hynny o flaen record o dorf – ym Mharc yr Afau’r Sadwrn diwethaf.
Mae un newid wedi ei orfodi ar yr hyfforddwr wedi’r ornest honno, gan bo’r clo Gwen Crabb wedi anafu ei phen-glin. Mae dau o newidiadau eraill o ran safle hefyd.
Bydd Georgia Evans yn partneru Abbie Fleming yn yr ail reng gyda Sioned Harries yn dechrau’n safle’r wythwr. Bydd Bethan Lewis yn symud i safle’r blaen-asgwellwr ochr dywyll.
Parhau mae partneriaeth y capten Hannah Jones a Kerin Lake yn y canol, gydag Elinor Snowsill yn safle’r maswr.
Mae’r tri ôl yn cael cyfle arall i arddangos eu doniau gyda Courtney Keight yn gefnwr a Lisa Neumann a Carys Williams Morris ar yr esgyll.
Gwenllian Pyrs, Kelsey Jones and Sisilia Tuipulotu sydd wedi eu dewis unwaith eto’n y rheng flaen, gydag Alex Callender ar y flaen asgell agored – gan gwblau’r drindod yn y rheng ôl gyda Harries and Lewis.
Dywedodd Ioan Cunningham, Prif Hyfforddwr: “Mae’r tîm yma’n haeddu cyfle i adeiladu ar y perfformiad yn erbyn Iwerddon gan ein bod yn gwybod bod her fawr o’n blaenau yn yr Alban
“Bydd yr yr Albanwyr yn dal i gofio’r boen o golli’n ein herbyn yng Nghwpan y Byd yn Seland Newydd.
“Er i ni berfformio’n dda yn erbyn y Gwyddelod y Sadwrn diwethaf mae nifer o agweddau o’n chwarae y gallwn wella arnyn nhw ac ry’n ni wedi gweithio’n galed ar y pethau hyn yn ystod yr wythnos.
“Mae’r ffaith i ni gael pwynt bonws yr wythnos ddiwethaf yn dangos ein bod yn gallu sgorio ceisiau a bod ein gwaith caled yn cael ei wobrwyo. Bydd hynny’n rhoi hyder mawr i ni wrth i ni ddatblygu steil mwy ymosodol o chwarae.
“Mae’r holl garfan yn hynod o siomedig am anaf Gwen Crabb gan iddi weithio mor galed i ddychwelyd i’r tîm. Fe wnawn yn siwr y bydd hi’n cael y cymorth a’r gefnogaeth orau gennym wrth iddi wella o’i hanaf.
Tîm Menywod Cymru i herio’r Alban ym Mhencampwriaeth Chwe Gwlad TikTok 2023
15 Courtney Keight
14 Lisa Neumann
13 Hannah Jones (capten)
12 Kerin Lake
11 Carys Williams-Morris
10 Elinor Snowsill
9 Keira Bevan;
1 Gwenllian Pyrs
2 Kelsey Jones
3 Sisilia Tuipulotu
4 Abbie Fleming
5 Georgia Evans
6 Bethan Lewis
7 Alex Callender
8 Sioned Harries
Eilyddion
16 Carys Phillips
17 Cara Hope
18 Cerys Hale
19 Natalia John
20 Kate Williams
21 Ffion Lewis
22 Lleucu George
23 Hannah Bluck