“Dylai fod yn achlysur bendigedig, a bydd yr awyrgylch yn rhagorol,” meddai. “Mae mynd i’r Ariannin yn brofiad newydd, a bydd yn wych cael chwarae yn eu herbyn gyntaf. Bydd yn lle ardderchog i fynd iddo oherwydd mae’r gefnogaeth i rygbi yno’n enfawr.

“Rydym yn awyddus i’r chwaraewyr chwarae mewn sefyllfaoedd gwrthwynebus fel hyn, a dangos eu cryfder a mwynhau’r awyrgylch. Mae’n rhywbeth y bydd yn rhaid i ni ymdopi ag ef ond yn rhywbeth y byddwn yn ei fwynhau hefyd.”

Efallai mai prif amcan Williams yw datblygu’r genhedlaeth nesaf o sêr Cymreig, ond bydd pob aelod o’r garfan yn breuddwydio am gael codi tlws Pencampwriaeth Rygbi’r Byd Dan 20 ar 22 Mehefin.

“Mae datblygu’n hollbwysig i ni ond rydym am ennill pob gêm,” meddai Williams. “Gadawon ni Gymru gyda’r bwriad o ennill Cwpan y Byd.

“Rwy’n bendant o’r farn bod ennill yn gallu helpu chwaraewyr i ddatblygu. Ond fel hyfforddwyr mae angen i ni ofalu nad ydym yn canolbwyntio’n ormodol ar ennill; rhaid i ni sicrhau cydbwysedd.”