Kemsley Mathias

Dechreuodd y prop pen rhydd ar ei yrfa’n chwarae rygbi tag i dîm Llangwm cyn ymuno ag Arberth, ac arhosodd gyda’r Dyfrgwn hyd at y lefel dan 16 gan chwarae ochr yn ochr ag asgellwr y Scarlets a Chymru, Ryan Conbeer.

Pan gafodd ei ddewis gyntaf i Academi’r Scarlets, roedd yn gymwys i chwarae i ddau dîm yn yr Uwch Gynghrair, sef Llanymddyfri a Chwins Caerfyrddin.

Chwaraeodd ei gêm gyntaf i dîm dan 20 Cymru yn erbyn Iwerddon ym Mhencampwriaeth y Chwe Gwlad yn 2018, ac aeth yn ei flaen i ennill tri chap – gan ennill yr un nifer o gapiau eto yn ystod ymgyrch 2019.