Dafydd Buckland

Chwaraeodd mewnwr y Dreigiau, Dafydd Buckland, ei gêm gyntaf i dîm dan 20 Cymru yn erbyn Lloegr ym Mae Colwyn yn nhrydedd rownd Pencampwriaeth y Chwe Gwlad yn 2019.

Rhoddodd anafiadau i Jamie Hill a Harri Morgan gyfle i Buckland fod yn rhan o’r garfan, a gwnaeth yn fawr o’r cyfle hwnnw gan greu argraff trwy sgorio cais ar ôl dod i’r cae fel eilydd yn y fuddugoliaeth o 42 i 12 yn erbyn yr Eidal yn yr ail rownd.

Mae hefyd wedi chwarae i dîm dan 18 Cymru.