Jay Jones

Ac yntau’n ddeunaw oed, Jay Jones oedd y chwaraewr ieuengaf i gymryd rhan ym mhenwythnos agoriadol Cyfres Saith Bob Ochr y Byd yn 2018/19. Mae’n hanu o Drelái yng Nghaerdydd, a chafodd ei addysg yn Ysgol Gyfun Gymraeg Plasmawr cyn symud ymlaen i ysgol Glantaf gerllaw i orffen ei astudiaethau yn y Chweched Dosbarth.

Cafodd ei recriwtio i garfan ddatblygu Cymru yn 2017 gan Richie Pugh, a oedd wedi ei weld yn chwarae yng Nghystadleuaeth Saith Bob Ochr Rosslyn Park.

Mae Jones hefyd wedi cynrychioli tîm saith bob ochr dan 18 Prydain Fawr, ac mae dyfodol disglair o’i flaen yng nghrys Cymru.