Dan Jones

Mae Dan wedi bod yn dyfarnu ers pan oedd yn ddeunaw oed.

Ei gyn-athro yn Ysgol Uwchradd yr Eglwys Newydd yng Nghaerdydd, Gwyn Morris – a oedd yn ddyfarnwr ei hun – fu’n gyfrifol am berswadio Jones i droi ei olygon at ddyfarnu ar ôl i anaf i’w gefn roi diwedd ar ei yrfa fel chwaraewr.

Roedd ef, ynghyd â Ben Whitehouse a Craig Evans, yn rhan o academi ddyfarnwyr wreiddiol Undeb Rygbi Cymru, ac ymunodd â nhw fel dyfarnwr proffesiynol llawn-amser ym mis Hydref 2018, gan ymuno hefyd â Nigel Owens fel pedwerydd dyfarnwr llawn-amser Undeb Rygbi Cymru.