Josh Turnbull

Mae Josh Turnbull, y chwaraewr o Gastellnewydd Emlyn, wedi dod drwy system Academi’r Scarlets.

Cynrychiolodd dîm dan 18 a than 19 Cymru; cymerodd ran yn nwy Bencampwriaeth dan 19 y Byd a gynhaliwyd ddiwethaf gan yr IRB, gan sgorio cais yn erbyn yr Alban yn 2006; a chynrychiolodd ei wlad ym mhob un o bum gêm tîm dan 20 Cymru yn ystod tymor 2006/2007, gan gynnwys gêm gynderfynol Adran A yn erbyn Seland Newydd.

Mae Turnbull yn flaenwr sy’n cario’r bêl yn effeithiol, a gall chwarae yn y rheng ôl, lle mae’n well ganddo chwarae fel blaenasgellwr ochr dywyll, neu yn yr ail reng.