Neidio i'r prif gynnwys
Yr Ariannin â’i golygon ar Gymru

Yr Ariannin â’i golygon ar Gymru

Bydd yr Ariannin yn benderfynol o guro Cymru pan fyddant yn ymweld â Stadiwm Principality ar gyfer Cyfres Under Armour yr hydref hwn, wrth iddynt geisio parhau i ddringo tabl World Rugby o dimau gorau’r byd.

Rhannu:

Curodd yr Archentwyr Dde Affrica, a fydd hefyd yn wynebu Cymru yn y gyfres gyffrous o bedair gêm ym mis Tachwedd, ym Mhencampwriaeth Rygbi hemisffer y de y penwythnos diwethaf, ac yn awr maent yn barod i wynebu’r her eithaf – yn erbyn pencampwyr y byd, y Crysau Duon – yn Hamilton yr wythnos nesaf.

Roedd buddugoliaeth yr Archentwyr dros y Springboks, gyda sgôr o 26-24, y penwythnos diwethaf wedi eu galluogi i godi dau safle yn y tabl o dimau gorau’r byd. Maent wedi dringo uwchben yr Alban a Ffrainc i gyrraedd y seithfed safle, a bellach mae eu golygon ar godi uwchben Iwerddon yn y chweched safle a Chymru, sy’n bumed yn y byd.

DFP – Leaderboard

“Rydym wedi bod yn ysu am fuddugoliaeth fel hon ers amser mawr, a dyma oedd un o’n prif nodau yn y bencampwriaeth eleni. Rydym yn hapus iawn gan ein bod wedi llwyddo i gyflawni’r nod ar ôl gweithio’n galed iawn ar y cae ac oddi arno,” meddai’r canolwr Matías Orlando.

“Roeddem wedi llunio cynllun ar gyfer y gêm, ac enillon ni drwy lynu at y cynllun hwnnw. Bydd hynny’n ein gwneud ni’n gryfach, ac mae’r fuddugoliaeth yn golygu mwy oherwydd bod llawer o’r chwaraewyr wedi gorfod chwarae allan o’u safle arferol.”

Mae tipyn o her o flaen y Springboks, a fydd yn wynebu Cymru yng Nghaerdydd ddydd Sadwrn 26 Tachwedd, gan eu bod yn gorfod teithio i chwarae Awstralia a Seland Newydd dros y pythefnos nesaf.

Gall cefnogwyr brynu tocynnau drwy fynd i urc.cymru/tocynnau (codir ffi archebu), drwy ffonio 0844 847 1881 (codir pris uwch am alwadau i’r rhif hwn), drwy fynd i swyddfa docynnau Undeb Rygbi Cymru neu drwy gysylltu â’u clwb rygbi lleol.

Cyfres Under Armour 2016
Cymru v Awstralia – Dydd Sadwrn, 5 Tachwedd (2.30pm)
Tocynnau: £70, £60 (£30), £40, £25
Cymru v Yr Ariannin – Dydd Sadwrn, 12 Tachwedd (5.30pm)
Tocynnau: £50, £40 (£20), £30, £20
Cymru v Japan – Dydd Sadwrn, 19 Tachwedd (2.30pm)
Tocynnau: £35, £20 (£10)
Cymru v De Affrica – Dydd Sadwrn, 26 Tachwedd (5.30pm)
Tocynnau: £70, £60 (£30), £40, £25

Partneriaid a Chyflenwyr

Prif Partneriaid
Principality
Admiral
Yr Ariannin â’i golygon ar Gymru
Vodafone
Go.Compare
Partneriaid swyddogol darlledu
S4C
BBC Cymru/Wales
Partneriaid Swyddogol
Isuzu
Gullivers
Heineken
Yr Ariannin â’i golygon ar Gymru
Yr Ariannin â’i golygon ar Gymru
Cyflenwyr swyddogol
Gilbert
Yr Ariannin â’i golygon ar Gymru
Rhino Rugby
Sportseen
Yr Ariannin â’i golygon ar Gymru
Yr Ariannin â’i golygon ar Gymru
Yr Ariannin â’i golygon ar Gymru
Yr Ariannin â’i golygon ar Gymru
Yr Ariannin â’i golygon ar Gymru
Yr Ariannin â’i golygon ar Gymru
Amber Energy
Opro